(कर्टॆसी: वॆब् दुनिया) प्रियदर्शनच्या 'बिल्लो बार्बर' या चित्रपटातून तब्बू पाठोपाठ अमिषा पटेलनेही अंग काढून घेतले आहे. चित्रपटात शाहरूख खान व्यतिरिक्त इरफान खान काम करीत आहे. तब्बूने चित्रपटात इरफान असल्यामुळे काम करण्यास नकार दिला होता. तब्बू आणि इरफान यांच्यात काही दिवसांपासून अबोला आहे. तब्बूने दिलेल्या नकारानंतर प्रियदर्शनने चित्रपटात काम करण्यासाठी अमिषा पटेलशी संपर्क साधला. शाहरूख आणि इरफान यासारख्या कलाकारांसोबत काम करण्याची संधी मिळाल्यामुळे पटकथा न वाचताच तिने होकार दिला. मात्र पटकथेविषयी माहिती मिळाल्यानंतर आपला रोल दुय्यम दर्जाचा असून चित्रपटात फक्त नायकांनाच प्राधान्य दिले गेले आहे हे लक्षात आल्यानंतर तिनेही चित्रपटातून माघार घेणेच पसंत केले. दोन अभिनेत्रींनी नकार दिल्यानंतर कुठलीही प्रस्थापित अभिनेत्री त्यात काम करण्यास सहजासहजी तयार होणार नाही.
Thursday, April 3, 2008
Subscribe to:
Posts (Atom)